Google ADS

Policia Rajonale e Ferizajt shqiptoi 1 mijë e 211 gjoba gjatë javës së kaluar

09:54 | 11 Nëntor 2024
E.G

Policia Rajonale e Ferizajt gjatë javës që shkoi ka shqiptuar 1 mijë e 211 gjoba kundërvajtëse dhe ka hequr 10 patentë shoferë për drejtuesit që kanë shkaktuar kundërvajtje më të rënda në komunikacion.

Sipas njoftimit, gjatë kësaj periudhe kohore janë raportuar 29 aksidente, prej tyre :

12 aksidente me lëndime, 20 persona të lënduar, 17 aksidente me dëme materiale.

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor.”, thuhet në njoftim.

Mes të tjerash, policia ka ftuar qytetarët për bashkëpunim.

“Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.”, njofton policia./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm